Şergele

Hemû helbestên şa'irê gewre Arjen Arî bi yek pirtûkê de hatin berhev kirin. Helbestên Arjen Arî asta helbesta Kurdî pêş xistîye û bi vî awayî di helbesta modern a Kurdî de xwedîyê cihekî bêhempa ne. Weşanên Sor, piştî wefata wî hêj li ser navê wî pêşbirka helbestan li dar dixe. Bi vî awayî jî Arjen Arî ne tenê bi helbest û hebûna xwe, bi mîrata xwe jî hewl dide gihişitina helbestvanên ciwan. Cara ewil hemû helbestên wî bi hevre yek pitûkê de tê çap kirin.
Arjen Arî
Di sala 1956an de, li herêma Omeriya, li gundê Çalê hatiye dinyayê. Di sala 1979an de li Enstîtuya Perwerdeyî ya Amedê, Beşa Zimanê Tirkî kuta kir. Di sala 1976an de li Nisêbînê ji ber belavkirina belavokekê hate girtin. Hingê polêsan dest dan ser helbestên wî yên bi tirkî û kurdî. Qasî hefteyekê di hepsê de ma. Hate berdan lê helbestên wî lê venegerandin. Weke weşan helbestên wî cara ewil di Kovara Tîrêjê de hatin weşandin. Lê berî vê helbesta wî cara ewil li Mêrdînê bi belavokekê belav bû. Her wilo beriya 12ê îlonê helbestên wî ji aliyê paleyên pembûyê ve weke stran dihatin bilêvkirin. Piştî 12ê îlonê helbestên wî di kovarên weke Berbang, Kurdistan Press, Nûdem, Çira, Pelîn û Rewşenê de hatin weşandin. Di sala 1992an de li Nisêbînê, li ber deriyê mala xwe rastî êrîşeke çekdarî hat. Birîndar bû. Piştî wê bûyerê li Amedê bi cî bû.
Di avakirina Komeleya Nivîskarên Kurd û PENa Kurd de cî girt. Di 30ê Cotmeha 2012an de ji ber nexweşiya penceşêrê çû ser dilovaniya xwe. Gora wî li Goristana Yenikoyê ya Amedê ye.

Arjen Arî'nin bütün şiirleri tek ciltte. Şiirleriyle Kürtçe şiirin çıtasını yukarı taşıyan Arjen Arî yazdıklarıyla Modern Kürtçe Şiirde müstesna bir yer edinmiş eşsiz bir şairdir. Ölümünün ardından Sor Yayınları tarafından adına düzenlenen şiir yarışmasıyla birlikte Arjen Arî sadece varlığı ve şiirleriyle değil mirasıyla da Kürtçe şiire katkı sunmaya, yeni genç Kürt şairlerin yetişmesine omuz vermeye devam ediyor. Arî'nin bütün şiirleri ilk defa tek kitapta birleşiyor.